มงฺคลทิวสาทีสุ ปนสฺสา สสฺสุโร อเจลกานํ สกฺการํ กโรนฺโต "อาคนฺตฺวา อมฺหากํ สมเณ วนฺทตูติ เปเสสิ. สา ลชฺชาย นคฺเค ปสฺสิตุํ อสกฺโกนฺตี คนฺตุํ น อิจฺฉติ. โส ปุนปฺปุนํ เปเสตฺวาปิ ตาย ปฏิกฺขิตฺโต กุชฺฌิตฺวา "นีหรถ นนฺติ อาห. สา "น สกฺกา มม อการเณน โทสํ อาโรเปตุนฺติ กุฏุมฺพิเก ปกฺโกสาเปตฺวา ตมตฺถํ อาโรเจสิ. เต ตสฺสา นิทฺโทสภาวํ ญตฺวา เสฏฺฐึ สญฺญาเปสุํ. โส "อยํ มม สมเณ `อหิริกาติ น วนฺทตีติ ภริยาย อาโรเจสิ. สา "กีทิสา นุ โข อิมิสฺสา สมณา, อติวิย เน ปสํสตีติ ตํ ปกฺโกสาเปตฺวา อาห

"กีทิสา สมณา ตุยฺหํ พาฬฺหํ โข เน ปสํสสิ.

กึสีลา กึสมาจารา ตํ เม อกฺขาหิ ปุจฺฉิตาติ.

อถสฺสา สุภทฺทา พุทฺธานญฺเจว พุทฺธสาวกานญฺจ คุเณ ปกาเสนฺตี