ยสฺสาติ: ยสฺส ปุคฺคลสฺส อิติ อชฺฌตฺติกสฺสุปาทาย อฏฺฐารส ตณฺหาวิจริตานิ พาหิรสฺสุปาทาย อฏฺฐารส ตณฺหาวิจริตานีติ อิเมสํ ตณฺหาวิจริตานํ วเสน ฉตฺตึสติยา ๕- โสเตหิ สมนฺนาคตา มนาเปสุ รูปาทีสุ อาสวติ ปวตฺตตีติ มนาปสฺสวนา ตณฺหา ภุสา พลวตี โหติ, ตํ ปุคฺคลํ วิปนฺนญฺญาณตาย ทุทฺทิฏฺฐึ ปุนปฺปุนํ อุปฺปชฺชนโต มหนฺตภาเวน มหา หุตฺวา ฌานํ วา

@๔. ม. อากงฺขนฺต. ๕. อภิ. วิ. ๓๕/๕๓๐. วิปสฺสนํ วา อนิสฺสาย ราคนิสฺสิตา สงฺกปฺปา วหนฺตีติ อตฺโถ.

สวนฺติ สพฺพธี โสตาติ: อิเม ตณฺหาโสตา จกฺขุทฺวาราทีนํ วเสน สพฺเพสุ รูปาทีสุ อารมฺมเณสุ สวนโต สพฺพาปิ รูปตณฺหา ฯเปฯ ธมฺมตณฺหาติ สพฺพภเวสุ วา สวนโต สพฺพธิ สวนฺติ นาม.