อชฺฌตฺตรโตติ: โคจรชฺฌตฺตสงฺขาตาย กมฺมฏฺฐานภาวนาย รโต.

สมาหิโตติ: สุฏฺฐุ สมาหิโต.

เอโก สนฺตุสิโตติ: เอกวิหารี หุตฺวา สุฏฺฐุ ตุสิโต วิปสฺสนาจารโต ปฏฺฐาย อตฺตโน อธิคเมน ตุฏฺฐมานโส. ปุถุชฺชนกลฺยาณกํ หิ อาทึ กตฺวา สพฺเพปิ เสขา อตฺตโน อธิคเมน สนฺตุสนฺตีติ สนฺตุสิตา, อรหา ปน เอกนฺตสนฺตุสิโตว; ตํ สนฺธาเยตํ วุตฺตํ.

เทสนาวสาเน พหู โสตาปตฺติผลาทีนิ ปาปุณึสูติ.