ปญฺจ ฉินฺเทติ: เหฏฺฐาอปายสมฺปาปกานิ ปญฺโจรมฺภาคิยสญฺโญชนานิ ปาเท พทฺธรชฺชุํ ปุริโส สตฺเถน วิย เหฏฺฐามคฺคตฺตเยน ฉินฺเทยฺย.
ปญฺจ ชเหติ: อุปริเทวโลกสมฺปาปกานิ ปญฺจุทฺธมฺภาคิยสญฺโญชนานิ ปุริโส คีวาย พทฺธรชฺชุกํ [๑]- อรหตฺตมคฺเคน ชเหยฺย ปชเหยฺย, ฉินฺเทยฺยาติ อตฺโถ.
ปญฺจ จุตฺตริ ภาวเยติ: อุทฺธมฺภาคิยสญฺโญชนานํ ปหานตฺถาย สทฺธาทีนิ ปญฺจินฺทฺริยานิ อุตฺตรึ ภาเวยฺย.
ปญฺจสงฺคาติโคติ: เอวํ สนฺเต ปญฺจนฺนํ ราคโทสโมหมานทิฏฺฐิสงฺคานํ อติกฺกมเนน ปญฺจสงฺคาติโค ภิกฺขุ "โอฆติณฺโณติ วุจฺจติ, "จตฺตาโร โอเฆ ติณฺโณเอวาติ วุจฺจตีติ อตฺโถ.