สพฺโพ เม วิหโต โมโห สีติภูโตสฺมิ นิพฺพุโต"ติ- อาทินา ๗- เถรคาถาสุ:-

"กาเยน สํวุตา อาสึ วาจาย อุท เจตสา

สมูลํ ตณฺหํ อพฺพุยฺห สีติภูตาสฺมิ นิพฺพุตา"ติ- อาทินา ๘- เถรีคาถาสุ จ อาคตานิ. ตานิ ปน เตสํ เถรานญฺเจว เถรีนญฺจ น เกวลํ อุทานานิ เอว, อถโข สีหนาทาปิ โหนฺติ. สกฺกาทีหิ เทเวหิ ภาสิตานิ "อโห ทานํ ปรมทานํ, กสฺสเป สุปฺปติฏฺฐิตนฺ"ติอาทีนิ, ๙- โสณทณฺฑพฺราหฺมณาทีหิ ๑๐- มนุสฺเสหิ จ ภาสิตานิ "นโม ตสฺส ภควโต"ติอาทีนิ ๑๑- ติสฺโส สงฺคีติโย อารูฬฺหานิ อุทานานิ สนฺติ เอว, น ตานิ อิธาธิปฺเปตานิ. ยานิ ปน