โปราณา ปน วณฺณยนฺติ:- "ยสฺมึ สมเย"ติ วา "เตน สมเยนา"ติ วา "เอกํ สมยนฺ"ติ วา อภิลาปมตฺตเภโท เอส นิทฺเทโส, สพฺพตฺถ ภุมฺมเมว อตฺโถติ. ตสฺมา "เอกํ สมยนฺ"ติ วุตฺเตปิ เอกสฺมึ สมเยติ อตฺโถ เวทิตพฺโพ.

ภควาติ ครุ ๑- ครุญฺหิ โลเก "ภควา"ติ วทนฺติ. อยญฺจ สพฺพคุณวิสิฏฺฐตาย สพฺพสตฺตานํ ครุ, ตสฺมา ภควาติ เวทิตพฺโพ. โปราเณหิปิ วุตฺตํ:-

"ภควาติ วจนํ เสฏฺฐํ ภควาติ วจนมุตฺตมํ

ครุ คารวยุตฺโต โส ภควา เตน วุจฺจตี"ติ. ๒-