กสฺมา ปเนตฺถ โคตฺรภุญาณํ มคฺคญาณปุเรจาริกํ วิย นิพฺพานารมฺมณํ น โหตีติ? ผลญาณานํ อนิยฺยานิกภาวโต. อริยมคฺคธมฺมาเยว หิ นิยฺยานิกา. วุตฺตญฺเหตํ "กตเม ธมฺมา นิยฺยานิกา. จตฺตาโร อริยมคฺคา อปริยาปนฺนา"ติ. ๕- ตสฺมา เอกนฺเตเนว นิยฺยานิกสภาวสฺส อุภโต วุฏฺฐานภาเวน ปวตฺตมานสฺส อนนฺตรปจฺจยภูเตน ญาเณน นิมิตฺตโต วุฏฺฐิเตเนว ภวิตพฺพนฺติ ตสฺส นิพฺพานารมฺมณตา ยุตฺตา, น ปน อริยมคฺคสฺส ภาวิตตฺตา ตสฺส วิปากภาเวน

@๒-๒ ฉ.ม. ปวตฺตานุปุพฺพวิปสฺสนสฺเสว สงฺขารารมฺมณโคตรภุญาณานนฺตรํ

@๓-๓ ฉ.ม. อรหา จ ปจฺเจกพุทฺโธ, ปจฺเจกพุทฺโธ จ สมฺพุทฺโธติ