@๔ สํ. สฬา. ๑๑๘/๑๑๒/๗๕ (สยา) ๕ ม. มู. ๑๒/๒๙/๑๗ ๖ ฉ.ม. ยุขฺชติ
@๗ ฉ.ม. คมนขฺยาต... ๘ ขุ.อุ. ๒๕/๑๑/๑๐๕ ๙ วินย. ๓/๒๕๖/๓
@๑๐ ขุ.ธ. ๒๕/๑๒/๑๑ ๑๑ ขุ.ธ. ๒๕/๑๘๑/๔๙ ๑๒ ม.มู ๑๒/๒๔๑/๒๐๓ "สุตธโร สุตสนฺนิจฺจโย"ติ เอวมาทีสุ ๑- โสตทฺวารานุสารวิญฺญาตธโรติ อตฺโถ. อิธ ปน สุตนฺติ โสตวิญฺญาณปุพฺพงฺคมาย วิญฺญาณวีถิยา อุปธาริตนฺติ วา อุปธารณนฺติ วา อตฺโถ. ตตฺถ ยทา เมสทฺทสฺส มยาติ อตฺโถ, ตทา "เอวํ มยา สุตํ, โสตวิญฺญาณปุพฺพงฺคมาย วิญฺญาณวีถิยา อุปธาริตนฺ"ติ ยุชฺชติ. ยทา เมสทฺทสฺส มมาติ อตฺโถ, ตทา "เอวํ มม สุตํ โสตวิญฺญาณปุพฺพงฺคมาย วิญฺญาณวีถิยา อุปธารณนฺ"ติ ยุชฺชติ.