ยสฺมา ปน โส สทฺโท "อกฺกุล ปกฺกุล "อิติ อิมินา อากาเรน สตฺตานํ โสตปถํ อคมาสิ, ตสฺมา ตสฺส อนุกรณวเสน "อกฺกุโล ปกฺกุโล"ติ, ๒- ยกฺขสฺส จ ตสฺสํ นิคฺโฆสนิจฺฉารณายํ อกฺกุลปกฺกุลกรณํ อตฺถีติ กตฺวา "อกฺกุลปกฺกุลิกํ อกาสี"ติ สงฺคหํ อาโรปยึสุ. เกจิ ปน "อากุลพฺยากุล อิติปททฺวยสฺส ปริยายาภิธานวเสน อกฺกุโล ปกฺกุโลติ อยํ สทฺโท ๓- วุตฺโต"ติ วทนฺติ ยถา "เอกํ เอกกนฺ"ติ. ยสฺมา เอกวารํ ชาโต ปฐมุปฺปตฺติวเสเนว นิพฺพตฺตตฺตา อากุโลติ อาทิอตฺโถ อากาโร, ตสฺส จ กการาคมํ กตฺวา รสฺสตฺตํ กตนฺติ. เทฺว วาเร ปน ชาโต พกฺกุโล, กุลสทฺโท เจตฺถ ชาติปริยาโย โกลงฺโกโลติอาทีสุ วิย. วุตฺตอธิปฺปายานุวิธายี จ สทฺทปฺปโยโคติ ปฐเมน ปเทน ชลาพุชสีหพฺยคฺฆาทโย, ทุติเยน อณฺฑชอาสีวิสกณฺหสปฺปาทโย วุจฺจนฺติ, ตสฺมา สีหาทิโก วิย อาสีวิสาทิโก วิย จ "อหนฺเต ชีวิตหารโก"ติ อิมมตฺถํ ยกฺโข ปททฺวเยน ทสฺเสตีติ อญฺเญ. อปเร ปน "อกฺขุโล ภกฺขุโล"ติ ปาฬึ วตฺวา "อกฺเขตุํ เขเปตุํ วินาเสตุํ อุลติ

@๒ ก. พกฺกุโล, เอวมุปริปิ ๓ ก. ภาสาสทฺโท ปวตฺเตตีติ อกฺขุโล, ภกฺขิตุํ ขาทิตุํ อุลตีติ ภกฺขุโล, โก ปเนโส? ยกฺขรกฺขสปิสาจสีหพฺยคฺฆาทีสุ อญฺญตโร โย โกจิ มนุสฺสานํ อนตฺถาวโห"ติ ตสฺส อตฺถํ วทนฺติ. อิธาปิ ปุพฺเพ วุตฺตนเยเนว อธิปฺปายโยชนา เวทิตพฺพา.

เอโส เต สมณ ปิสาโจติ "อมฺโภ สมณ ตว ปิสิตาสโน ปิสาโจ ๑- อุปฏฺฐิโต"ติ มหนฺตํ เภรวรูปํ อภินิมฺมินิตฺวา ภควโต ปุรโต ฐตฺวา อตฺตานํ สนฺธาย ยกฺโข วทติ.