ตตฺถ ปุราณทุติยิกาติ ปุพฺเพ คิหิกาเล ปาทปริจรณวเสน ทุติยิกา, ๔- ภริยาติ อตฺโถ. อยฺโยติ "อยฺยปุตฺโต"ติ วตฺตพฺเพ ปพฺพชิตานํ อนุจฺฉวิกโวหาเรน วทติ. กิราติ อนุสฺสวนตฺเถ นิปาโต, ตสฺส อนุปฺปตฺโต กิราติ สมฺพนฺโธ เวทิตพฺโพ. ขุทฺทปุตฺตํ หิ ๕- สมณ โปส มนฺติ อาปนฺนสตฺตเมว มํ ฉฑฺเฑตฺวา ปพฺพชิโต, สาหํ เอตรหิ ขุทฺทปุตฺตา, ทหรปุตฺตา ๖- ตาทิสํ มํ ฉฑฺเฑตฺวาว

@๓ ฉ.ม. อาคตา ๔ สี. ปาทปริจาริกาวเสน ทุติยา, ฉ.ม. ปาทปริจรณวเสน ทุติยิกา

@๕ สี. ขุทฺทปุตฺตามฺหิ ๖ ฉ.ม. อยํ ปาโฐ น ทิสฺสติ ตว สมณธมฺมกรณํ อยุตฺตํ, ตสฺมา สมณ ปุตฺตทุติยํ มํ ฆาสจฺฉาทนาทีหิ ภรสฺสูติ. อายสฺมา ปน สงฺคามชิ อินฺทฺริยานิ โอกฺขิปิตฺวา ตํ เนว โอโลเกติ, นาปิ อาลปติ. เตน วุตฺตํ "เอวํ วุตฺเต อายสฺมา สงฺคามชิ ตุณฺหี อโหสี"ติ.