@๔ สี. อภาเวน ๕ ฉ.ม. น ทิพฺพติ ๖ สี. สาตภาเว

@๗ ฉ.ม. ชุณฺหาวิภาสเนน ๘ สี.,ฉ.ม. รูปาภาเว อตฺตปจฺจกฺขํ กตฺวา นิพฺพานํ เวทิ ปฏิวิชฺฌิ. "อเวที"ติปิ ปาโฐ, อญฺญสีติ อตฺโถ. อถ รูปา อรูปา จ, สุขทุกขา ปมุจฺจตีติ อถาติ ตสฺส นิพฺพานสฺส ชานนโต ปจฺฉา. รูปาติ รูปธมฺมา, เตน ปญฺจโวการภโว เอกโวการภโว จ คหิโต โหติ. อรูปาติ อรูปธมฺมา, เตน รูเปนามิสฺสีกโต อรูปภโว คหิโต โหติ. โส "จตุโวการภโว"ติปิ วุจฺจติ. สุขทุกฺขาติ สพฺพตฺถ อุปฺปชฺชนกสุขทุกฺขโตปิ วฏฺฏโต. อถวา รูปาติ รูปโลกปฏิสนฺธิโต. อรูปาติ อรูปโลกปฏิสนฺธิโต. สุขทุกฺขาติ กามาวจรปฏิสนฺธิโต. กามภโว หิ พฺยามิสฺสสุขทุกฺโข. เอวเมตสฺมา สกลโตปิ วฏฺฏโต อจฺจนฺตเมว มุจฺจตีติ คาถาทฺวเยนาปิ ภควา "มยฺหํ ปุตฺตสฺส เอวรูปา นิพฺพานคตี"ติ ทสฺเสติ.

ทสมสุตฺตวณฺณนา นิฏฺฐิตา.

นิฏฺฐิตา จ โพธิวคฺควณฺณนา.