@๒ ม.มู. ๑๒/๒๒/๑๓, องฺ. ฉกฺก. ๒๒/๓๒๙(๕๘)/๔๓๔ (สฺยา)

@๓ ม.มู. ๑๒/๑๗-๒๑/๑๐-๑๓

@๔ ม.มู. ๑๒/๑๕/๑๐ ๕ ขุ.อิติ. ๒๕/๖๒/๒๗๙

@๖ ม.มู. ๑๒/๔๓๘/๓๘๖ ๗ ขุ.ธ. ๒๕/๒๕๓/๖๐ อายสฺมา สหายกภิกฺขูหิ ตถา อุปฺปณฺฑิยมาโน ๑- "ภาริยํ วต กตํ, โยหํ เอวํ สฺวากฺขาเต ธมฺมวินเย ปพฺพชิตฺวา อจฺฉรานํ ปฏิลาภาย สตฺถารํ ปาฏิโภคํ อกาสินฺ"ติ อุปฺปนฺนสํเวโค หิโรตฺตปฺปํ ปจฺจุปฏฺฐเปตฺวา ฆเฏนฺโต วายมนฺโต อรหตฺตํ ปตฺวา จินฺเตสิ "ยนฺนูนาหํ ภควนฺตํ เอตสฺมา ปฏิสฺสวา โมเจยฺยนฺ"ติ. โส ภควนฺตํ อุปสงฺกมิตฺวา อตฺตโน อธิปฺปายํ สตฺถุ อาโรเจสิ. เตน วุตฺตํ "อถ โข อายสฺมา นนฺโท ฯเปฯ เอตสฺมา ปฏิสฺสวา"ติ. ตตฺถ ปฏิสฺสวาติ ปาฏิโภคปฏิสฺสวา, "อจฺฉรานํ ปฏิลาภาย อหํ ปฏิภูโต"ติ ปฏิญฺญาย.