อจฺฉริยํ วต โภติ ครหณจฺฉริยํ นาม กิเรตํ ยถา อายสฺมา อานนฺโท ภควโต วลิยคตฺตํ ทิสฺวา อโวจ "อจฺฉริยํ ภนฺเต อพฺภุตํ ภนฺเต"ติ. ๓- อปเร ปน "ตสฺมึ สมเย ปุปฺผผลปลฺลวาทีสุ โลภวเสน กามวิตกฺโก, ขรสฺสรานํ ปกฺขิอาทีนํ สทฺทสฺสวเนน พฺยาปาทวิตกฺโก, เลฑฺฑุอาทีหิ เตสํ ปฏิพาหนาธิปฺปาเยน ๔- วิหึสาวิตกฺโก, "อิเธวาหํ วเสยฺยนฺ"ติ ตตฺถ สาเปกฺขตาวเสน กามวิตกฺโก, วนจรเก ตตฺถ ทิสฺวา เตสุ จิตฺตทุพฺภเนน พฺยาปาทวิตกฺโก, เตสํ วิเหฐนาธิปฺปาเยน วิหึสาวิตกฺโก ตสฺส อุปฺปชฺชี"ติปิ วทนฺติ. ยถา วา ตถา วา ตสฺส มิจฺฉาวิตกฺกุปฺปตฺติเยว อจฺฉริยการณํ. อนฺวาสตฺตาติ อนุลคฺคา โวกิณฺณา. อตฺตนิ ครุมฺหิ จ เอกตฺเตปิ พหุวจนํ ทิสฺสติ. "อนุสนฺโต"ติปิ ๕- ปาโฐ.

เยน ภควา เตนุปสงฺกมีติ มิจฺฉาวิตกฺเกหิ สมฺปริกิณฺโณ กมฺมฏฺฐานสปฺปายํ กาตุํ อสกฺโกนฺโต "อิทํ วต ๖- ทิสฺวา ทีฆทสฺสี ภควา ปฏิเสเธสี"ติ สลฺลกฺเขตฺวา

@๓ สํ.มหา. ๑๙/๕๑๑/๑๙๑ ๔ สี. วิเหฐนาธิปฺปาเยน ๕ สี.,ก. อนฺวาสตฺโตติปิ