ภทฺทกํ เม ชีวิตนฺติ เอวํวิธสีลาทิคุณสมนฺนาคตสฺส เม ยาวายํ กาโย ธรติ, ตาว สตฺตานํ หิตสุขเมว วฑฺฒติ, ปุญฺญกฺเขตฺตภาวโต ชีวิตมฺปิ เม ภทฺทกํ สุนฺทรํ. ภทฺทกํ มรณนฺติ สเจ ปนิทํ ขนฺธปญฺจกํ อชฺช วา อิมสฺมึเยว วา ขเณ อนุปาทาโน วิย ชาตเวโท นิพฺพายติ, ตํ อปฺปฏิสนฺธิกํ ปรินิพฺพานสงฺขาตํ มรณมฺปิ เม ภทฺทกนฺติ อุภยตฺถ ตาทิภาวํ ทีเปติ, อิติ ๑- มหาเถโร อปฺปหีนโสมนสฺสุพฺพิลฺลาวิตวาสนตฺตา ๒- อุฬารโสมนสฺสิโต ๓- ธมฺมพหุมาเนน ธมฺมปีติปฏิสํเวทเนน ปริวิตกฺเกสิ.

@ฉ. อปฺปหีนโสมนสฺสุปฺปิลฺลาวิตวาสนุสฺสนฺนตฺตา ๓ สี.,ก. อุฬารโสมนสฺสตํ

ตํ สตฺถา คนฺธกุฏิยํ นิสินฺโนเยว ๑- สพฺพญฺญุตญาเณน ชานิตฺวา ชีวิเต มรเณ จ ตสฺส ตาทิภาววิภาวนํ อิมํ อุทานํ อุทาเนสิ. เตน วุตฺตํ "อถ โข ภควา ฯเปฯ อุทาเนสี"ติ.