นติยา อสตีติ อรหตฺตมคฺเคน ตณฺหาย สุปหีนตฺตา ภวาทิอตฺถาย อาลยนิกนฺติปริยุฏฺฐาเน อสติ. อาคติคติ น โหตีติ ปฏิสนฺธิวเสน อิธ อาคติ อาคมนํ จุติวเสน คติ อิโต ปรโลกคมนํ เปจฺจภาโว น โหติ นปฺปวตฺตติ. อาคติคติยา อสตีติ วุตฺตนเยน อาคติยา จ คติยา จ อสติ. จุตูปปาโต น โหตีติ อปราปรํ จวนุปปชฺชนํ น โหติ นปฺปวตฺตติ. อสติ หิ กิเลสวฏฺเฏ กมฺมวฏฺฏํ ปจฺฉินฺนเมว, ปจฺฉินฺเน จ ตสฺมึ กุโต วิปากวฏฺฏสฺส สมภโว. เตเนวาห ๑- "จุตูปปาเต อสติ เนวิธ น หุรนฺ"ติอาทิ. ตตฺถ ยํ วตฺตพฺพํ, ตํ เหฏฺฐา พาหิยสุตฺเต วิตฺถารโต วุตฺตเมว. ตสฺมา ตตฺถ วุตฺตนเยเนว อตฺโถ เวทิตพฺโพ.

อิติ ภควา อิธาปิ เตสํ ภิกฺขูนํ อนวเสสโต วฏฺฏทุกฺขวูปสมเหตุภูตํ อมตมหานิพฺพานสฺส อานุภาวํ สมฺมาปฏิปตฺติยา ปกาเสสิ.

จตุตฺถสุตฺตวณฺณนา นิฏฺฐิตา.