"กาฬากญฺจ คงฺเคยฺยํ ปณฺฑรํ ตมฺพปิงฺคลํ

คนฺธมงฺคลเหมญฺจ อุโปสถฉทฺทนฺติเม ทสา"ติ เอวํ วุตฺเตสุ ทสสุ หตฺถิกุเลสุ กาฬาวกสงฺขาตานํ ยํ ทสนฺนํ ปกติหตฺถีนํ พลํ, ตํ เอกสฺส คงฺเคยฺยสฺสาติ เอวํ ทสคุณิตาย คณนาย ปกติหตฺถีนํ โกฏิสหสฺสพลปฺปมาณํ สรีรพลํ. ตํ สพฺพมฺปิ ตํทิวสํ ๓- ปจฺฉาภตฺตโต ปฏฺฐาย จงฺควาเร ๔- ปกฺขิตฺตอุทกํ วิย ปริกฺขยํ คตํ. ปาวาย ติคาวุเต ๕- กุสินารา.

@๔ ก. ปงฺกวาเร, สุ.วิ. ๒/๑๙๘/๑๗๕ ๕ ม.,ก. ตีณิ คาวุตานิ เอตสฺมึ อนฺตเร ปญฺจวีสติยา ฐาเนสุ นิสีทิตฺวา มหนฺตํ อุสฺสาหํ กตฺวา อาคจฺฉนฺโต สูริยตฺถงฺคมนเวลาย ภควา กุสินารํ ปาปุณีติ เอวํ "โรโค นาม สพฺพํ อาโรคฺยํ มทฺทนฺโต อาคจฺฉตี"ติ อิมตฺถํ ทสฺเสนฺโต สเทวกสฺส โลกสฺส สํเวคกรํ วาจํ ภาสนฺโต "กิลนฺโตสฺมิ จุนฺท, นิปชฺชิสฺสามี"ติ อาห.