ตสฺมา หิ เต สุขิโน วีตโสกาติ ยสฺมา ปิยปฺปภูตา โสกาทโย เยสํ นตฺถิ ๓- . ตสฺมา เต เอว สุขิโน วีตโสกา นาม. เก ปน เต? เยสํ ปิยํ นตฺถิ กุหิญฺจิ โลเกติ เยสํ อริยานํ สพฺพโส วีตราคตฺตา กตฺถจิปิ สตฺตโลเก จ สงฺขารโลเก จ ปิยํ ปิยภาโว "ปุตฺโต"ติ วา "ภาตา"ติ วา "ภคินี"ติ วา "ภริยา"ติ วา ปิยํ ปิยายนํ ปิยภาโว นตฺถิ. สงฺขารโลเกปิ "เอตํ มม สนฺตกํ, อิมินาหํ อิมํ นาม สุขํ ลภามิ ลภิสฺสามี"ติ ปิยํ ปิยายนํ ปิยภาโว นตฺถิ. ตสฺมา อโสกํ วิรชํ ปตฺถยาโน, ปิยํ น กยิราถ กุหิญฺจิ โลเกติ ยสฺมา จ สุขิโน นาม วีตโสกา, วีตโสกตฺตาว กตฺถจิปิ วิสเย ปิยภาโว น นตฺถิ. ตสฺมา อตฺตโน ยถาวุตฺตโสกาภาเวน จ อโสกํ อโสกภาวํ ราครชาทิวิคมเนน วิรชํ วิรชภาวํ อรหตฺตํ, โสกสฺส ราครชาทีนญฺจ อภาวเหตุภาวโต วา "อโสกํ วิรชนฺ"ติ ลทฺธนามํ นิพฺพานํ ปตฺถยาโน กตฺตุกมฺยตากุสลจฺฉนฺทสฺส วเสน

@๒ ขุ.สุ. ๒๕/๘๗๐/๕๐๓ ๓ ม. ปิเย อสติ น สนฺติ ฉนฺทชาโต กตฺถจิ โลเก รูปาทิธมฺเม อนฺตมโส สมถวิปสฺสนาธมฺเมปิ ปิยํ ปิยภาวํ ปิยายนํ น กยิราถ น อุปฺปาเทยฺย. วุตฺตเญฺหตํ "ธมฺมาปิ โว ภิกฺขเว ปหาตพฺพา, ปเคว อธมฺมา"ติ. ๑-

อฏฺฐมสุตฺตวณฺณนา นิฏฺฐิตา.