อิติ อากงฺขมานสฺส สทฺธมฺมสฺส จิรฏฺฐิตึ

วิภชนฺตสฺส ตสฺสตฺถํ นิสามยถ สาธโวติ.

ตตฺถ อิติวุตฺตกํ นาม เอกกนิปาโต ทุกนิปาโต ติกนิปาโต จตุกฺกนิปาโตติ จตุนิปาตสงฺคหํ. ตมฺปิ วินยปิฏกํ สุตฺตนฺตปิฏกํ อภิธมฺมปิฏกนฺติ ตีสุ ปิฏเกสุ สุตฺตนฺตปิฏกปริยาปนฺนํ, ทีฆนิกาโย มชฺฌิมนิกาโย สํยุตฺตนิกาโย องฺคุตฺตรนิกาโย ขุทฺทกนิกาโยติ ปญฺจสุ นิกาเยสุ ขุทฺทกนิกายปริยาปนฺนํ, สุตฺตํ เคยฺยํ เวยฺยากรณํ คาถา อุทานํ อิติวุตฺตกํ ชาตกํ อพฺภุตธมฺมํ เวทลฺลนฺติ นวสุ สาสนงฺเคสุ อิติวุตฺตกงฺคภูตํ,

"ทฺวาสีติ ๑- พุทฺธโต คณฺหึ เทฺว สหสฺสานิ ภิกฺขุโต