@๖ ขุ.ชา ๒๗/๑๔๒๐/๒๙๐ (สฺยา) ๗ วิ.มหาวิ. ๑/๔๔๔/๓๓๓ ๘ อภิ.สงฺ. ๓๔/๑๒๑/๔๑

@๙ ขุ.มหา. ๒๙/๗๒๗/๔๓๒, ขุุ.จูฬ. ๓๐/๔๙๒/๒๓๘ (สฺยา) ๑๐ อภิ.สงฺ. ๓๔/๑/๑

@๑๑ ก. ภิกฺขูนํ สีลวตาทิคุณโยคสิทฺเธน หีนาธิกชนเสวิตวตฺตํ "ภิกฺขเว"ติ อิมินา กรุณาวิปฺผารโสมฺมหทยนยนนิปาตปุพฺพงฺคเมน วจเนน เต อตฺตโน มุขาภิมุเข กโรนฺโต เตน จ กเถตุกมฺยตาทีปเกน วจเนน เนสํ โสตุกมฺยตํ ชเนติ, เตเนว จ สมฺโพธนตฺเถ สาธุกํ สวนมนสิกาเรปิ นิโยเชติ. สาธุกํ สวนมนสิการายตฺตา หิ สาสนสมฺปตฺติ.

อญฺเญสุปิ เทวมนุสฺเสสุ ปริสปริยาปนฺเนสุ วิชฺชมาเนสุ กสฺมา ภิกฺขู เอว อามนฺเตสีติ? เชฏฺฐเสฏฺฐาสนฺนสทาสนฺนิหิตภาวโต. สพฺพปริสสาธารณา หิ ภควโต ธมฺมเทสนา, ปริสาย จ เชฏฺฐา ปฐมุปฺปนฺนตฺตา, เสฏฺฐา อนคาริยภาวํ อาทึ กตฺวา สตฺถุ จริยานุวิธายกตฺตา สกลสาสนปฺปฏิคฺคาหกตฺตา จ, อาสนฺนา ตตฺถ นิสินฺเนสุ สมีปวุตฺติยา, สทา สนฺนิหิตา สตฺถุ สนฺติกาวจรตฺตา. อปิจ เต ธมฺมเทสนาย ภาชนํ ยถานุสิฏฺฐํ ปฏิปตฺติสพฺภาวโต, วิเสสโต จ เอกจฺเจ ภิกฺขู สนธาย อยํ เทสนาติ เต เอว อาลปิ.