"ภาวิโต พหุลีกโต"ติ วุตฺตํ, กถํ ปนายํ อปฺปมาโท ภาเวตพฺโพติ? น อปฺปมาทภาวนา นาม วิสุํ เอกา ภาวนา อตฺถิ. ยา หิ กาจิ ปุญฺญกิริยา กุสลกิริยา, สพฺพา สา อปฺปมาทภาวนาเตฺวว เวทิตพฺพา. วิเสสโต ปน วิวฏฺฏูปนิสฺสยํ สรณคมนํ กายิกวาจสิกสํวรญฺจ อุปาทาย สพฺพา สีลภาวนา สพฺพา สมาธิภาวนา สพฺพา ปญฺญาภาวนา สพฺพา กุสลภาวนา อนวชฺชภาวนา อปฺปมาทภาวนาติ เวทิตพฺพา. "อปฺปมาโท"ติ หิ อิทํ มหนฺตํ อตฺถํ ทีเปติ,

"เสยฺยถาปิ ภิกฺขเว ยานิ กานิจิ ชงฺคลานํ ปาณานํ

ปทชาตานิ, สพฺพานิ ตานิ หตฺถิปเท สโมธานํ คจฺฉนฺติ, หตฺถิปทํ