ตสฺมา โวหารกุสลสฺส โลกนาถสฺส สตฺถุโน

สมฺมุตึ โวหรนฺตสฺส มุสาวาโท น ชายตี"ติ. ๒-

อปิจ อฏฺฐหิ การเณหิ ภควา ปุคฺคลกถํ กเถติ:- หิโรตฺตปฺปทีปนตฺถํ กมฺมสฺสกตาทีปนตฺถํ ปจฺจตฺตปุริสการทีปนตฺถํ อานนฺตริยทีปนตฺถํ พฺรหฺมวิหารทีปนตฺถํ ปุพฺเพนิวาสทีปนตฺถํ ทกฺขิณาวิสุทฺธิทีปนตฺถํ โลกสมฺมุติยา อปฺปหานตฺถญฺจาติ. "ขนฺธธาตุอายตนานิ หิริยนฺติ โอตฺตปฺปนฺตี"ติ หิ วุตฺเต มหาชโน น ชานาติ, สมฺโมหํ อาปชฺชติ, ปฏิสตฺตุ วา ๓- โหติ "กิมิทํ ขนฺธธาตุอายตนานิ หิริยนฺติ โอตฺตปฺปนฺติ นามา"ติ. "อิตฺถี หิริยติ โอตฺตปฺปติ, ปุริโส ขตฺติโย พฺราหฺมโณ เทโว มาโร"ติ ปน วุตฺเต ชานาติ, น สมฺโมหํ