"เตสํ อาสิ วิปลฺลาโส ทิสฺวาน อณุโต อณุํ ฯเปฯ

เต ตตฺถ มนฺเต คนฺเถตฺวา โอกฺกากํ ตทุปาคมุนฺ"ติ. ๒-

ตตฺถ อสฺสเมตฺถ เมธนฺติ พาเธนฺตีติ อสฺสเมโธ, ทฺวีหิ ปริญฺเญหิ ยชิตพฺพสฺส เอกวีสติยูปสฺส เอกสฺมึ ปจฺฉิมทิวเส เอว ๓- สตฺต นวุติปญฺจปสุสตฆาตภีสนสฺส ฐเปตฺวา ภูมึ จ ปุริเส จ อวเสสสพฺพวิภวทกฺขิณสฺส ยญฺญสฺเสตํ อธิวจนํ. ปุริสเมตฺถ เมธนฺติ พาเธนฺตีติ ปุริสเมโธ. จตูหิ ปริญฺเญหิ ยชิตพฺพสฺส สทฺธึ ภูมิยา อสฺสเมเธ วุตฺตวิภวทกฺขิณสฺส ยญฺญสฺเสตํ อธิวจนํ.