เตน ปาณิ กามทโท เตน ปาณิ มธุสฺสโว

เตน เม พฺรหฺมจริเยน ปุญฺญํ ปาณิมฺหิ อิชฺฌตี"ติ ๒- อิมสฺมึ องฺกุรเปตวตฺถุสฺมึ เวยฺยาวจฺเจ. "อิทํ โข ตํ ภิกฺขเว ติตฺติริยํ นาม พฺรหฺมจริยํ อโหสี"ติ ๓- อิมสฺมึ ติตฺติรชาตเก ปญฺจสิกฺขาปทสีเล. "ตํ โข ปน ปญฺจสิข พฺรหฺมจริยํ เนว นิพฺพิทาย น วิราคาย ฯเปฯ ยาวเทว พฺรหฺมโลกูปปตฺติยา"ติ ๔- อิมสฺมึ มหาโควินฺทสุตฺเต พฺรหฺมวิหาเร. "ปเร อพฺรหฺมจาริโน ภวิสฺสนฺติ, มยเมตฺถ พฺรหฺมจาริโน ภวิสฺสามา"ติ ๕- สลฺเลขสุตฺเต เมถุนวิรติยํ.

"มยญฺจ ภริยา นาติกฺกมาม

อเมฺห จ ภริยา นาติกฺกมนฺติ