อชฺฌตฺตเมว จิตฺตํ สณฺฐเปมิ, สนฺนิสาเทมิ, เยน สุทํ นิจฺจกปฺปํ

วิหรามี"ติ. ๑-

อิทํ หิ ภควา "สมโณ โคตโม อภิรูโป ปาสาทิโก, สุผุสิตํ ทนฺตาวรณํ, ชิวฺหา ตนุกา, มธุรํ วจนํ, เตน ปริสํ รญฺเชนฺโต มญฺเญ วิจรติ, จิตฺเต ปนสฺส เอกคฺคตา นตฺถิ, โย เอวํ สญฺญตฺติพหุโล จรตี"ติ สจฺจเกน นิคณฺฐปุตฺเตนปิ วิตกฺกิเต อวสฺสํ สโหฆํ โจรํ คณฺหนฺโต วิย "น อคฺคิเวสฺสน ตถาคโต ปริสํ รญฺเชนฺโต สญฺญตฺติพหุโล วิจรติ, จกฺกวาฬปริยนฺตายปิ ปริสาย ธมฺมํ เทเสนฺติ อสลฺลีโน อนุปลิตฺโต เอกตฺตํ เอกวิหาริสุญฺญตฺตา ผลสมาปตฺติผลํ อนุยุตฺโต"ติ ทสฺเสตุํ อาหริ.