สเว ๑- ภูตํ ปริญฺโญ โสติ เอตฺถ ปน สเวติ ๒- นิปาตมตฺตํ. โส ภูตปริญฺโญ ภูตสฺส อติกฺกมนูปาเยน มคฺเคน ภวตณฺหาปริกฺขยา ปริญฺญาตกฺขนฺโธ ตโต เอว ยถาภูเต นิพฺพาเน อธิมุตฺโต. ภวาภเวติ ขุทฺทเก เจว มหนฺเต จ, อุจฺเฉทาทิทสฺสเน วา วีตตโณฺห ภินฺนกิเลโส ภิกฺขุ ภูตสฺส อุปาทานกฺขนฺธ- สงฺขาตสฺส อตฺตภาวสฺส วิภวา อายตึ อนุปฺปาทา ปุนพฺภวํ นาคจฺฉติ, อปญฺญตฺติกภาวเมว คจฺฉตีติ อนุปาทิเสสาย นิพฺพานธาตุยา เทสนํ นิฏฺฐาเปสิ.

อิติ อิมสฺมึ วคฺเค เอกาทสเม วฏฺฏํ กถิตํ, ตติยจตุตฺถปญฺจเมสุ ปริโยสานสุตฺเต จ วฏฺฏวิวฏฺฏํ กถิตํ, เสเสสุปิ วิวฏฺฏเมวาติ เวทิตพฺพํ.

ทฺวาทสมสุตฺตวณฺณนา นิฏฺฐิตา.