เวลามสุตฺตาทิวเสนปิ ๔- สรณคมนสฺส ผลวิเสโส เวทิตพฺโพ. เอวํ สรณคมนสฺส ผลํ เวทิตพฺพํ.

โลกิยสรณคมนญฺเจตฺถ ตีสุ วตฺถูสุ อญฺญาณสํสยมิจฺฉาญาณาทีหิ สงฺกิลิสฺสติ, น มหาชุติกํ โหติ น มหาวิปฺผารํ. โลกุตฺตรสฺส ปน สงฺกิเลโส นตฺถิ. โลกิยสฺส

@๓ สํ.สฬา. ๑๘/๕๒๖-๕๓๐/๓๓๒-๓๓๗ ๔ องฺ.นวก. ๒๓/๒๒๔/๔๐๕ จ สรณคมนสฺส ทุวิโธ เภโท สาวชฺโช อนวชฺโช จ. ตตฺถ สาวชฺโช อญฺญสตฺถาราทีสุ อตฺตสนฺนิยฺยาตนาทีหิ โหติ, โส อนิฏฺฐผโล. อนวชฺโช ปน กาลกิริยาย, โส อวิปากตฺตา อผโล. โลกุตฺตรสฺส ปน เนวตฺถิ เภโท. ภวนฺตเรปิ หิ อริยสาวโก น อญฺญํ สตฺถารํ อุทฺทิสตีติ เอวํ สรณคมนสฺส สงฺกิเลโส จ เภโท จ เวทิตพฺโพ.