อิเธว นํ ปสํสนฺติ เปจฺจ สคฺเค ปโมทตี"ติ ๒- มาตาปิตุภรเณ อานิสํสํ วุตฺตํ, ตํ น ปาปุณาติ, อญฺญทตฺถุ "มาตาปิตโรปิ น ภรติ, กํ อญฺญํ ภริสฺสตี"ติ นินฺทญฺจ วชฺชนียตญฺจ ทุคฺคติญฺจ ปาปุณนฺโต ปราภวติเยว, ตสฺมา "ปราภวโต มุขนฺ"ติ วุจฺจติ.
[๑๐๐] ปาปานํ พาหิตตฺตา พฺราหฺมณํ, สมิตตฺตา สมณํ. พฺราหฺมณกุลปฺปภวมฺปิ วา พฺราหฺมณํ, ปพฺพชฺชูปคตํ สมณํ, ตโต อญฺญํ วาปี ยํ กิญฺจิ ยาจนกํ. มุสาวาเทน วญฺเจตีติ "วท ภนฺเต ปจฺจเยนา"ติ ปวาเรตฺวา ยาจิโต วา ปฏิชานิตฺวา ปจฺฉา อปฺปทาเนน ตสฺส ตํ วิสํวาเทติ. ๓- อิมาย คาถาย พฺราหฺมณาทีนํ มุสาวาเทน วญฺจนํ เอกเมว ปราภวมุขํ วุตฺตํ. เอเตน หิ สมนฺนาคโต อิธ นินฺทํ, สมฺปราเย ทุคฺคตึ สุคติยมฺปิ อธิปฺปายวิปตฺติญฺจ ปาปุณาติ. วุตฺตเญฺหตํ:-
"ทุสฺสีลสฺส สีลวิปนฺนสฺส ปาปโก กิตฺติสทฺโท อพฺภุคฺคจฺฉตี"ติ. ๔-
ตถา:-