เตน โข ปน สมเยน อคฺคิกภารทฺวาชสฺสาติ ยํ ยํ อวุตฺตปุพฺพํ, ตํ ตเทว วณฺณยิสฺสาม. เสยฺยถิทํ? โส หิ พฺราหฺมโณ อคฺคึ ชุหติ ปริจรตีติ กตฺวา อคฺคิโกติ นาเมน ปากโฏ อโหสิ, ภารทฺวาโชติ โคตฺเตน. ตสฺมา วุตฺตํ "อคฺคิกภารทฺวาชสฺสา"ติ. นิเวสเนติ ฆเร. ตสฺส กิร พฺราหฺมณสฺส นิเวสนทฺวาเร อนฺตรวีถิยํ อคฺคิหุตสาลา อโหสิ. ตโต "นิเวสนทฺวาเร"ติ วตฺตพฺเพ ตสฺสปิ ปเทสสฺส นิเวสเนเยว ปริยาปนฺนตฺตาว. ๕- "นิเวสเน"ติ วุตฺตํ. สมีปตฺเถ วา ภุมฺมวจนํ, นิเวสนสมีเปติ อตฺโถ. อคฺคิ ปชฺชลิโต โหตีติ อคฺคิยาปเน ๖- ฐิโต อคฺคิ กฏฺฐรุทฺธารเณ สมีเป วา ปกฺเขปํ ๗- วีชนวาตญฺจ ลภิตฺวา ปชฺชลิโต ๘- อุทฺธํ สมุคฺคตจฺจิสมากุโล โหติ. อาหุติ ปคฺคหิตาติ สสีสํ นฺหายิตฺวา มหตา สกฺกาเรน ปายาสสปฺปิมธุผาณิตาทีนิ อภิสงฺขตานิ ๙- โหนฺตีติ อตฺโถ. ยํ หิ กิญฺจิ อคฺคิมฺหิ ชุหิตพฺพํ, ตํ สพฺพํ "อาหุตี"ติ วุจฺจติ. สปทานนฺติ อนุฆรํ. ภควา หิ สพฺพชนานุคฺคหตฺถาย อาหารสนฺตุฏฺฐิยา จ อุจฺจนีจกุเล ๑๐- อโวกฺกมฺม ปิณฺฑาย จรติ. เตน วุตฺตํ "สปทานํ ปิณฺฑาย จรมาโน"ติ.
@๓ ฉ.ม. มงฺคลสุตฺตวณฺณนายํ ๔ ฉ.ม. อาทิ
@๕ ฉ.ม. ปริยาปนฺนตฺตา ๖ ฉ. อคฺคิยาธาเน, ม. อคฺคิสาลฏฺฐาเน