[๑๓๑] อสตํ โยธ ปพฺรูตีติ โย อิธ ยถา นิมิตฺตานิ ทิสฺสนฺติ "อสุกทิวเส อิทญฺจิทญฺจ เต ภวิสฺสตี"ติ, เอวํ อสชฺชมานวจนํ ปพฺรูตีติ. ๖- "อสนฺตนฺ"ติปิ ปาโฐ, อพฺภุตนฺติ อตฺโถ. ปพฺรูตีติ ภณติ "อสุกสฺมึ นาม คาเม มยฺหํ อีทิโส ฆรวิภโว, เอหิ ตตฺถ คจฺฉาม, ฆรณี เม ภวิสฺสสิ, อิทญฺจิทญฺจ เต ทสฺสามี"ติ ปรภริยํ วา ปรทาสึ วา วญฺเจนฺโต ธุตฺโต วิย. นิชิคีสาโนติ นิชิคีสมาโน มคฺคมาโน, ตํ วญฺเจตฺวา ยํ กิญฺจิ คเหตฺวา ปลายิตุกาโมติ อธิปฺปาโย.

[๑๓๒] โย จตฺตานนฺติ โย จ อตฺตานํ. สมุกฺกํเสติ ชาติอาทีหิ สมุกฺกํสติ อุจฺจฏฺฐาเน ฐเปติ. ปเร จ มวชานตีติ เตหิเยว ปเร อวชานาติ,

@๔ ฉ.ม. อยํ ปาโฐ น ทิสฺสติ ๕ ฉ.ม. ปาโต-อิติ ปาโฐ น ทิสฺสติ