ตมฺปิ อนุพนฺธมานํ ปรินายกรตนํ อุปฺปชฺชติ รญฺโญ ปกติเชฏฺฐปุตฺโต, จกฺกรตเน อุปฺปนฺนมตฺเต อติเรกปญฺญาเวยฺยตฺติเยน สมนฺนาคโต โหติ, โส ทฺวาทสโยชนาย ปริสาย เจตสา จิตฺตํ ปริชานิตฺวา นิคฺคหปคฺคหกรณสมตฺโถ โหติ, โส จ ราชานํ อุปสงฺกมิตฺวา ปวาเรติ "อปฺโปสฺสุกฺโก ตฺวํ เทว โหหิ, อหนฺเต รชฺชํ อนุสาสิสฺสามี"ติ. ยํ วา ปนญฺญมฺปิ เอวรูปํ อตุลฏฺเฐน รตนํ, ยสฺส น สกฺกา ตุลยิตฺวา ตีรยิตฺวา อคฺโฆ กาตุํ "สตํ วา สหสฺสํ วา อคฺฆติ โกฏึ วา"ติ. ตตฺถ เอกํ รตนมฺปิ พุทฺธรตเนน สมํ นตฺถิ. ยทิ หิ อตุลฏฺเฐน รตนํ, ตถาคโตว รตนํ. ตถาคโต หิ น สกฺกา สีลโต วา สมาธิโต วา ปญฺญาทีนํ อญฺญตรโต วา เกนจิ ตุลยิตฺวา ตีรยิตฺวา "เอตฺตกา คุณา สมา วา ๕- สปฺปฏิภาโค วา"ติ ปริจฺฉินฺทิตุํ. เอวํ อตุลฏฺเฐนาปิ ตถาคตสมํ รตนํ นตฺถิ.

ตถา ยมฺปิ ตํ ทุลฺลภทสฺสนฏฺเฐน รตนํ, เสยฺยถาปิ ๖- ทุลฺลภปาตุภาโว ๗- ราชา จกฺกวตฺตี, จกฺกาทีนิ จ ตสฺส รตนานิ, ตมฺปิ พุทฺธรตเนน สมํ นตฺถิ. ยทิ หิ ทุลฺลภทสฺสนฏฺเฐน รตนํ, ตถาคโตว รตนํ, กุโต จกฺกวตฺติอาทีนํ รตนตฺยํ ตานิ หิ เอกสฺมึเยว กปฺเป อเนกานิ อุปฺปชชฺนฺติ. ยสฺมา ปน อสงฺเขยฺเยปิ

@๓ ฉ.ม. ปุพุฏฺฐายินิตาทิ... อิ. ปุพฺพุฏฺฐายิตาทิ... ๔ ฉ.ม. ปกติกมฺมกาโร เสฏฺฐิ