ตทา สาตาคิรเหมวตา ภควนฺตํ เชตวเนเยว วนฺทิตฺวา "ยกฺขสมาคมํ คมิสฺสามา"ติ สปริวารา นานายาเนหิ อากาเสน คจฺฉนฺติ. อากาเส จ ยกฺขานํ

อถ โข อาฬวโก ฯเปฯ ภควนฺตํ เอตทโวจ "นิกฺขม สมณา"ติ กสฺมา ปนายํ เอตทโวจาติ? วุจฺจเต:- โรเสตุกามตาย. ตเตฺรวํ อาทิโต ปภุติ สมฺพนฺโธ เวทิตพฺโพ:- อยํ หิ ยสฺมา อสฺสทฺธสฺส สทฺธากถา ทุกฺกถา ๒- โหติ ทุสฺสีลาทีนํ สีลาทิกถา วิย, ตสฺมา เตสํ ยกฺขานํ สนฺติกา ภควโต ปสํสํ สุตฺวา เอว วคฺคิมฺหิ ปกฺขิตฺตโลณสกฺขรา วิย อพฺภนฺตเร โกเปน ตฏตฏายมานหทโย หุตฺวา "โก โส ภควา นาม, โย มม ภวนํ ปวิฏฺโฐ"ติ อาห. เต อาหํสุ "น ตฺวํ อาวุโส ชานาสิ ภควนฺตํ อมฺหากํ สตฺถารํ, โย ตุสิตภวเน ฐิโต ปญฺจ มหาวิโลกนานิ ๓- วิโลเกตฺวา"ติอาทินา นเยน ยาว ธมฺมจกฺกปฺปวตฺตนํ