@๓ ฉ.ม.,อิ. กามยมาโน ๔ ฉ.ม. อนายูหนํ

@๕ ฉ.ม. เอกฏฺฐุปฺปตฺติกํ

[๒๑๓] สพฺพาภิภุนฺติ กา อุปฺปตฺติ? มหาปุริโส มหาภินิกฺขมนํ กตฺวา อนุปุพฺเพน สพฺพญฺญุตํ ปตฺวา ธมฺมจกฺกปฺปวตฺตนตฺถาย พาราณสึ คจฺฉนฺโต โพธิมณฺฑสฺส จ คยาย จ อนฺตเร อุปเกนาชีวเกน สมาคญฺฉิ. เตน จ "วิปฺปสนฺนานิ โข เต อาวุโส อินฺทฺริยานี"ติอาทินา ๑- นเยน ปุฏฺโฐ "สพฺพาภิภู"ติ- อาทีนิ อาห. อุปโก "หุเวยฺยาวุโส"ติ ๒- วตฺวา สีสํ โอกมฺเปตฺวา อุมฺมคฺคํ คเหตฺวา ปกฺกามิ. อนุกฺกเมน จ วงฺกหารชนปเท ๓- อญฺญตรํ มาควิกคามํ ปาปุณิ. ตเมนํ มาควิกเชฏฺฐโก ทิสฺวา "อโห อปฺปิจฺโฉ สมโณ วตฺถมฺปิ น นิวาเสติ, อยํ โลเก อรหา"ติ ฆรํ เนตฺวา มํสรเสน ปริวิสิตฺวา ๔- ภุตฺตาวิญฺจ นํ สปุตฺตทาโร วนฺทิตฺวา "อิเธว ภนฺเต วสถ, อหํ ปจฺจเยน อุปฏฺฐหามี"ติ ๕- นิมนฺเตตฺวา วสโนกาสํ กตฺวา อทาสิ, โส ตตฺถ วสติ.