มาควิโก คิมฺหกาเล อุทกสมฺปนฺเน สีตเล ปเทเส จริตุํ ทูรํ อปกฺกนฺเตสุ มิเคสุ ตตฺถ คจฺฉนฺโต "อมฺหากํ อรหนฺตํ สกฺกจฺจํ อุปฏฺฐหสฺสู"ติ ฉาวํ ๖- นาม ธีตรํ อาณาเปตฺวา อคมาสิ สทฺธึ ปุตฺตภาติเกหิ. สา จ ทสฺสนียา โหติ โกฏฺฐาสสมฺปนฺนา, ทุติยทิวเส อุปโก ฆรมาคโต ตํ ทาริกํ สพฺพํ อุปจารํ กตฺวา ปริวิสิตุํ อุปคตํ ทิสฺวา ราเคน อภิภูโต ภุญฺชิตุํ ๗- อสกฺโกนฺโต ภาชเนน ภตฺตํ อาทาย วสนฏฺฐานํ คนฺตฺวา ภตฺตํ เอกมนฺเต นิกฺขิปิตฺวา "สเจ ฉาวํ ลภามิ, ชีวามิ, โน เจ, มรามี"ติ นิราหาโร สยิ. สตฺตเม ทิวเส มาควิโก อาคนฺตฺวา ธีตรํ อุปกสฺส ปวตฺตึ ปุจฺฉิ, สา "เอกทิวสเมว อาคนฺตฺวา ปุน นาคตปุพฺโพ"ติ อาห. มาควิโก "อาคตวเสเนว นํ อุปสงฺกมิตฺวา ปุจฺฉิสฺสามี"ติ ตํขณญฺเญว อาคนฺตฺวา "กึ ภนฺเต อผาสุกนฺ"ติ ปาเท

@๒ ฉ.ม. หุเปยฺยาวุโสติ ๓ ก. วงฺคชนปเท

@๔ ก. ปริวิสิ ๕ ฉ.ม. อุปหิฏฺฐสฺสามีติ