สุคตสฺส สาวกาติ ภควา โสภเณน คมเนน ยุตฺตตฺตา, โสภณญฺจฏฺฐานํ คตตฺตา, สุฏฺฐุ จ คตตฺตา, สุฏฺฐุเยว คตตฺตา ๔- สุคโต, ตสฺส สุคตสฺส. สพฺเพปิ เต วจนํ สุณนฺตีติ สาวกา. กามญฺจ อญฺเญปิ สุณนฺติ, น ปน สุตฺวา กตฺตพฺพกิจฺจํ กโรนฺติ, อิเม ปน สุตฺวา กตฺตพฺพํ ธมฺมานุธมฺมาปฏิปตฺตึ กตฺวา มคฺคผลานิ ปตฺตา, ตสฺมา "สาวกา"ติ วุจฺจนฺติ. เอเตสุ ทินฺนานิ มหปฺผลานีติ เอเตสุ สุคตสฺส สาวเกสุ อปฺปกานิปิ ทานานิ ทินฺนานิ ปฏิคฺคาหกโต ทกฺขิณานํ วิสุทฺธิภาวํ ๕- อุปคตตฺตา มหปฺผลานิ โหนฺติ. ตสฺมา สุตฺตนฺตเรปิ วุตฺตํ:-

@๔ ฉ.ม. สุฏฺฐุ เอว จ คทตฺตา ๕ ฉ.ม., อิ. ทกฺขิณาวิสุทฺธิภาวํ

"ยาวตา ภิกฺขเว สํฆา วา คณา วา ตถาคตสาวกสํโฆ, เตสํ