[๒๕๑] เอเตสุ คิทฺธา วิรุทฺธาติปาติโนติ เอเตสุ ปาเณสุ เคเธน คิทฺธา, โทเสน วิรุทฺธา, โมเหน อาทีนวํ อปสฺสนฺตา ปุนปฺปุนํ อชฺฌาจารปฺปตฺติยา อติปาติโน จ, ๕- เอเตสุ วา "ปาณาติปาโต วธจฺเฉทพนฺธนนฺ"ติอาทินา นเยน วุตฺเตสุ ปาปกมฺเมสุ ยถาสภาวํ เย เคธวิโรธาติปาตสงฺขาตา ราคโทสโมหา, เหติ คิทฺธา วิรุทฺธา อติปาติโน จ. นิจฺจุยฺยุตาติ อกุสเล ๖- นิจฺจํ อุยฺยุตฺตา, กทาจิ ปฏิสงฺขาย อปฺปฏิวิรตา. เปจฺจาติ อสฺมา โลกา ปรํ โลกํ ๗- คนฺตฺวา. ตมํ วชนฺติ เย, ปตนฺติ สตฺตา นิรยํ อวํสิราติ เย โลกนฺตริกนฺธการสงฺขาตํ นีจกุลีนตาทิเภทํ ๘- วา ตมํ วชนฺติ, เย จ ปตนฺติ สตฺตา อวีจิอาทิเภทํ นิรยํ อวํสิรา อโธคตสีสา. เอสามคนฺโธติ เตสํ สตฺตานํ ตมวชนนิรยปตนเหตุ เอส เคธวิโรธาติปาตเภโท สพฺพามคนฺธมูลภูโต ยถาวุตฺเตนตฺเถน ติวิโธ อามคนฺโธ. น หิ มํสโภชนนฺติ มํสโภชนํ ปน น อามคนฺโธติ.

@๓-๓ ฉ.ม.,อิ. วุตฺตมฺปิ หิ โสตูนํ โสตุกามตาย ๔ สี. ทฬฺหีกรณตฺถายาติ

@๕ ฉ.ม.,อิ. จสทฺโท น ทิสฺสติ ๖ ฉ.ม.,อิ. อกุสลกรเณ