@๓ ฉ.ม.,อิ. ภิสมุฬาลาทิ ๔ ฉ.ม.,อิ. ตนฺติ น ทิสฺสติ ภนฺเตติ. กา ตตฺถ ปวตฺตีติ. ตตฺถ ภนฺเต มนุสฺสา อปฺปมตฺตา ทานาทีนิ ปุญฺญานิ กโรนฺตีติ. กสฺส โอวาทํ สุตฺวาติ. พุทฺธสฺส ภควโตติ. ตาปโส พุทฺธสทฺทสฺสวเนน วิมฺหิโต "พุทฺโธติ ตฺวํ โภ ปุริส วเทสี"ติ. อามคนฺเธ วุตฺตนเยเนว ติกฺขตฺตุํ ปุจฺฉิตฺวา "โฆโสปิ โข เอส ๑- ทุลฺลโภ"ติ อตฺตมโน ภควโต สนฺติกํ คนฺตุกาโม หุตฺวา จินฺเตสิ "น ยุตฺตํ พุทฺธสฺส สนฺติกํ ตุจฺฉเมว ๒- คนฺตุํ, กินฺนุ โข คเหตฺวา คจฺเฉยฺยนฺ"ติ. ปุน จินฺเตสิ "พุทฺธา นาม อามิสครุกา น โหนฺติ, หนฺทาหํ ธมฺมปณฺณาการํ คเหตฺวา คจฺฉามี"ติ จตฺตาโร ปเญฺห อภิสงฺขริ:-

"กีทิโส มิตฺโต น เสวิตพฺโพ

กีทิโส มิตฺโต เสวิตพฺโพ