@๖ สี. พาลเสวนปจฺจยภยานํ ปริตฺตาเณน, ม. พาลเสวนปจฺจยา อุปฺปนฺนภยาทีนํ

@ปริตฺตาเณน, ฉ. พาลเสวนปจฺจยภยาทิปริตฺตาเณน ๗ ฉ.ม.... วณฺณนายํ วุตฺตนเยเนว เวทิตพฺพา. อิโต ปรํ ตุ มาติกํ อทสฺเสตฺวา เอว ยํ ยตฺถ มงฺคลํ, ตํ ววตฺถเปสฺสาม, ตสฺส จ มงฺคลตฺตํ วิภาวยิสฺสามาติ.

นิฏฺฐิตา อเสวนา จ พาลานนฺติ อิมิสฺสา คาถาย อตฺถวณฺณนา.

[๒๖๓] เอวํ ภควา "พฺรูหิ มงฺคลมุตฺตมนฺ"ติ เอกํ อชฺเฌสิโตปิ อปฺปํ ยาจิโต พหุทายโก อุฬารปุริโส วิย เอกาย คาถาย ตีณิ มงฺคลานิ วตฺวา ตโต อุตฺตริปิ เทวตานํ โสตุกามตาย มงฺคลานญฺจ อตฺถิตาย เยสํ เยสํ ยํ ยํ อนุกูลํ, เต เต สตฺเต ตตฺถ ตตฺถ มงฺคเล นิโยเชตุกามตาย จ "ปติรูปเทสวาโส จา"ติอาทีหิ คาถาหิ ปุนปิ อเนกานิ มงฺคลานิ วตฺตุมารทฺโธ.