@ ๕-๕ ฉ.ม. อสฺสทฺธํ สทฺธาสมฺปทาย ปติฏฺฐาเปติ

@๖ ฉ.ม. อตฺตสมฺมาปณิธีติ ๗ ฉ.ม. เอโส

[๒๖๔] อิทานิ พาหุสจฺจญฺจาติ เอตฺถ พาหุสจฺจนฺติ พหุสฺสุตภาโว. สิปฺปนฺติ ยํ กิญฺจิ หตฺถโกสลฺลํ. วินโยติ กายวาจาจิตฺตวินยนํ. สุสิกฺขิโตติ สุฏฺฐุ สิกฺขิโต. สุภาสิตาติ สุฏฺฐุ ภาสิตา. ยาติ อนิยมนิทฺเทโส. วาจาติ คิรา พฺยปโถ. เสสํ วุตฺตนยเมวาติ. อยเมตฺถ ปทวณฺณนา.

อตฺถวณฺณนา ปน เอวํ เวทิตพฺพา:- พาหุสจฺจํ นาม ยํ ตํ "พหุสฺสุโต โหติ สุตธโร สุตสนฺนิจฺจโย"ติ ๑- จ "อิเธกจฺจสฺส พหุ สุตํ โหติ สุตฺตํ เคยฺยํ เวยฺยากรณนฺ"ติ ๒- จ เอวมาทินา นเยน สตฺถุสาสนธรตฺตํ วณฺณิตํ, ตํ อกุสลปฺปหานกุสลาธิคมเหตุโต อนุปุพฺเพน ปรมตฺถสจฺจสจฺฉิกิริยเหตุโต จ "มงฺคลนฺ"ติ วุจฺจติ. วุตฺตเญฺหตํ ภควา:-