"เย คหฏฺฐา ปุญฺญกรา สีลวนฺโต อุปาสกา

ธมฺเมน ทารํ โปเสนฺติ เต นมสฺสามิ มาตลี"ติ. ๒-

อนากุลา กมฺมนฺตา นาม กาลญฺญุตาย ปติรูปการิตาย อนลสตาย อุฏฺฐานวีริยสมฺปทาย อพฺยสนียตาย จ กาลาติกฺกมนอปฺปติรูปกรณากรณสิถิลกรณาทิ- อากุลภาววิรหิตา กสิโครกฺขวณิชฺชาทโย กมฺมนฺตา. เอเต อตฺตโน วา ปุตฺตทารสฺส วา ทาสกมฺมกรานํ วา พฺยตฺตตาย เอวํ ปโยชิตา ทิฏฺเฐว ธมฺเม ธนธญฺญวุฑฺฒิปฏิลาภเหตุโต "มงฺคลนฺ"ติ วุตฺตา. วุตฺตญฺเจตํ ภควตา:-

"ปติรูปการี ธุรวา อุฏฺฐาตา วินฺทเต ธนนฺติ ๓- จ.