@๓ ม.มู. ๑๒/๔๔๑/๓๙๐ ๔ ม.มู. ๑๒/๔๓๙/๓๘๘ สมีปํ อาคตานํ ยถาพลํ ฆาสจฺฉาทนธนญฺญาทีหิ สงฺคโห ปสํสาทีนํ ทิฏฺฐธมฺมิกานํ สุคติคมนาทีนญฺจ สมฺปรายิกานํ วิเสสาธิคมานํ เหตุโต "มงฺคลนฺ"ติ วุจฺจติ.
อนวชฺชานิ กมฺมานิ นาม อุโปสถงฺคสมาทานเวยฺยาวจฺจกรณอารามวน- โรปนเสตุกรณาทีนิ กายวจีมโนสุจฺจริตกมฺมานิ. ตานิ หิ นานปฺปการหิตสุขาธิคมเหตุโต "มงฺคลนฺ"ติ วุจฺจนฺติ. "ฐานํ โข ปเนตํ วิสาเข วิชฺชติ ยํ อิเธกจฺโจ อิตฺถี วา ปุริโส วา อฏฺฐงฺคสมนฺนาคตํ อุโปสถํ อุปวิสิตฺวา กายสฺส เภทา ปรํ มรณา จาตุมหาราชิกานํ เทวานํ สหพฺยตํ อุปปชฺเชยฺยา"ติ ๑- เอวมาทีนิ เจตฺถ สุตฺตานิ อนุสฺสริตพฺพานีติ.
เอวํ อิมิสฺสา คาถาย ทานญฺจ, ธมฺมจริยา จ, ญาตกานญฺจ สงฺคโห อนวชฺชานิ กมฺมานีติ จตฺตาริ มงฺคลานิ วุตฺตานิ, มงฺคลตฺตญฺจ เนสํ ตตฺถ ตตฺถ วิภาวิตเมวาติ.
นิฏฺฐิตา ทานญฺจาติ อิมิสฺสา คาถาย อตฺถวณฺณนา.