[๒๖๗] อิทานิ อารตี วิรตีติ เอตฺถ อารตีติ อารมณํ. วิรตีติ วิรมณํ, วิรมนฺติ วา เอตาย สตฺตาติ วิรติ. ปาปาติ อกุสลา. มทนียฏฺเฐน มชฺชํ, มชฺชปานํ, ปานํ มชฺชปนํ, ตโต มชฺชปานา, สํยมนํ สํยโม. อปฺปมชฺชนํ อปฺปมาโท. ธมฺเมสูติ กุสเลสุ. เสสํ วุตฺตนยเมวาติ อยํ ปทวณฺณนา.

อตฺถวณฺณนา ปน เอวํ เวทิตพฺพา:- อารติ นาม ปาเป อาทีนวทสฺสิโน มนสา เอว อนภิรติ:- วิรติ นาม กมฺมทฺวารวเสน กายวาจาหิ วิรมณํ. สา เจสา วิรติ นาม สมฺปตฺตวิรติ สมาทานวิรติ สมุทฺเฉทวิรตีติ ติวิธา โหติ ยา

เปฯ กาเมสุมิจฺฉาจาโร ฯเปฯ มุสาวาโท"ติ เอวํ วิตฺถาเรตฺวา

"ปาณาติปาโต อทินฺนาทานํ มุสาวาโท จ วุจฺจติ