@๒ ขุ.อิติ. ๒๕/๑๐๔/๓๒๓ ๓ สี. อุลูกโก

@๔ ม. เวทิสเก ๕ ป.สู. ๑/๓๓๗, ขุทฺทก.อ. ๑๐/๑๓๒

กาเลน ธมฺมสากจฺฉา นาม ปโทเส วา ปจฺจูเส วา เทฺว สุตฺตนฺติกา ภิกฺขู อญฺญมญฺญํ สุตฺตนฺตํ สากจฺฉนฺติ, วินยธรา วินยํ, อาภิธมฺมิกา อภิธมฺมํ, ชาตกภาณกา ชาตกํ, อฏฺฐกถิกา อฏฺฐกถํ, ลีนุทฺธตวิจิกิจฺฉาปเรตจิตฺตวิโสธนตฺถํ วา ตมฺหิ ตมฺหิ กาเล สากจฺฉนฺติ, อยํ กาเลน ธมฺมสากจฺฉา. สา อาคมพฺยตฺติอาทีนํ คุณานํ เหตุโต "มงฺคลนฺ"ติ วุจฺจตีติ.

เอวํ อิมิสฺสา คาถาย ขนฺติ, โสวจสฺสตา, สมณานญฺจ ทสฺสนํ, กาเลน ธมฺมสากจฺฉาติ จตฺตาริ มงฺคลานิ วุตฺตานิ, มงฺคลตฺตญฺจ เนสํ ตตฺถ ตตฺถ วิภาวิตเมวาติ.