@๓ วิ.มหา. ๕/๒๔๔/๘, องฺ.ฉกฺก. ๒๒/๓๒๖/๔๒๔ (สฺยา) ๔ อภิ.วิ. ๓๕/๒๓๗/๑๖๔ ติวิธมฺปิ อปฺปวตฺตกฺขนฺธตาทิโลกุตฺตมภาวาวหนโต อาหุเนยฺยาทิภาวาวหนโต จ "มงฺคลนฺ"ติ เวทิตพฺพํ.

เอวํ อิมิสฺสา คาถาย อฏฺฐโลกธมฺเมหิ อกมฺปิตจิตฺตํ, อโสกจิตฺตํ, วิรชจิตฺตํ, เขมจิตฺตนฺติ จตฺตาริ มงฺคลานิ วุตฺตานิ, มงฺคลตฺตญฺจ เนสํ ตตฺถ ตตฺถ วิภาวิตเมวาติ.

นิฏฺฐิตา ผุฏฺฐสฺส โลกธมฺเมหีติ อิมิสฺสา คาถาย อตฺถวณฺณนา.

[๒๗๒] เอวํ ภควา "อเสวนา จ พาลานนฺ"ติอาทีหิ ทสหิ คาถาหิ อฏฺฐตฺตึส มงฺคลานิ กเถตฺวา อิทานิ เอตาเนว อตฺตนา วุตฺตานิ มงฺคลานิ ถุนนฺโต "เอตาทิสานิ กตฺวานา"ติ อิมํ อวสานคาถํ อภาสีติ.