[๓๒๑] เอวํ ปณฺฑิตาจริยเสวนํ ปสํสิตฺวา อิทานิ พาลาจริยเสวนํ นินฺทนฺโต "ขุทฺทญฺจ พาลนฺ"ติ อิมํ คาถมาห. ตตฺถ ขุทฺทนฺติ ขุทฺเทน กายกมฺมาทินา สมนฺนาคตํ, ปญฺญาภาวโต พาลํ. อนาคตตฺถนฺติ

[๓๒๒-๓] อิทานิ ตสฺเสวตฺถสฺส ปากฏกรณตฺถํ "ยถา นโร "ติ คาถาทฺวยมาห. ตตฺถ อาปคนฺติ นทึ. มโหทกนฺติ พหุอุทกํ. สลิลนฺติ อิโต จิโต จ คตํ, วิตฺถิณฺณนฺติ ๖- วุตฺตํ โหติ. "สริตนฺ"ติปิ ปาโฐ, โสเอวตฺโถ. สีฆโสตนฺติ หารหาริกํ, เวควตินฺติ ๗- วุตฺตํ โหติ. กึ โสติ เอตฺถ "โส วุยฺหมาโน"ติ อิมินา จ โสกาเรน ตสฺส นรสฺส นิทฺทิฏฺฐตฺตา นิปาตมตฺโต โสกาโร, กึสูติ วุตฺตํ โหติ ยถา "น ภวิสฺสามิ นาม โส, วินสฺสิสฺสามิ นาม โส"ติ. ธมฺมนฺติ ปุพฺเพ วุตฺตํ ทุพฺพิธํเยว. ๘- อนิสามยตฺถนฺติ อนิสาเมตฺวา อตฺถํ. เสสเมตฺถ ปากฏเมว ปทโต.

อธิปฺปายโต ปน ยถา โย โกจิเทว นโร วุตฺตปฺปการํ นทึ โอตริตฺวา ตาย นทิยา วุยฺหมาโน อนุโสตคามี โสตเมว อนุคจฺฉนฺโต ปเร ปารตฺถิเก. ๙- กึ สกฺขติ ปารํ เนตุํ. "สกฺกตี"ติปิ ปาโฐ. ตเถว ทุวิธมฺปิ ธมฺมํ อตฺตโน