[๓๔๘] สกฺกาติปิ ๓- ภควนฺตเมว กุณนาเมน อาลปติ. มยมฺปิ สพฺเพติ นิรวเสสปริสํ ๔- สงฺคณฺหิตฺวา อตฺตานํ ทสฺเสนฺโต ภณติ. สมนฺตจกฺขูติปิ ภควนฺตเมว สพฺพญฺญุตญฺญาเณนาลปติ. สมวฏฺฐิตาติ สมฺมา อวฏฺฐิตา อาโภคํ กตฺวา ฐิตา. โนติ อมฺหากํ. สวนายาติ อิมสฺส ปญฺหสฺส เวยฺยากรณสวนตฺถาย. โสตาติ โสตินฺทฺริยานิ. ตุวํ โน สตฺถา ตวมนุตฺตโรสีติ ถุติวจนมตฺตเมเวตํ.

[๓๔๙] ฉินฺเทว โน วิจิกิจฺฉนฺติ อกุสลวิจิกิจฺฉาย นิพฺพิจิกิจฺโฉ โส, วิจิกิจฺฉาปติรูปกํ ปน ตํ ปริวิตกฺกํ สนฺธาเยวมาห. พฺรูหิ เมตนฺติ พฺรูหิ เม

@๓ ฉ.ม. สกฺยาติปิ ๔ สี.,ก. อวเสสปริสํ เอตํ, ยํ มยา ยาจิโตสิ "ตํ สาวกํ สกฺก ๑- มยมฺปิ สพฺเพ อญฺญาตุมิจฺฉามา"ติ, พฺรูหนฺโต ๒- จ ตํ พฺราหฺมณํ ปรินิพฺพุตํ เวทย ภูริปญฺญ มชฺเฌว โน ภาส, ปรินิพฺพุตํ ญตฺวา มหาปญฺญ ภควา มชฺเฌว อมฺหากํ สพฺเพสํ ภาส, ยถา สพฺเพว มยํ ชาเนยฺยาม. สกฺโกว เทวาน สหสฺสเนตฺโตติ อิทํ ปน ถุติวจนเมว. อปิจสฺส อยํ อธิปฺปาโย:- ยถา สกฺโก สหสฺสเนตฺโต เทวานํ มชฺเฌ เตหิ สกฺกจฺจํ สมฺปฏิจฺฉิตวจโน ภาสติ, เอวํ อมฺหากํ มชฺเฌ อเมฺหหิ สมฺปฏิจฺฉิตวจโน ภาสาติ.