อุปสุสฺสตุ นิสฺเสสํ สรีเร มํสโลหิตนฺ"ติ จตุรงฺควีริยํ อธิฏฺฐหิตฺวา "น ทานิ พุทฺธตฺตํ อปาปุณิตฺวา ปลฺลงฺกํ ภินฺทิสฺสามี"ติ ปฏิญฺญํ กตฺวา อปราชิตปลฺลงฺเก ๗- นิสีทิ. ตํ ญตฺวา มาโร ปาปิมา "อชฺช สิทฺธตฺโถ ปฏิญฺญํ กตฺวา นิสินฺโน, อชฺเชว ทานิสฺส สา ปฏิญฺญา ปฏิพาหิตพฺพา"ติ โพธิมณฺฑโต ยาว จกฺกวาฬปริยนฺตํ อายตํ ๘-

@๔ ฉ.ม.,อิ. กิญฺจิปิ ๕ ก....ปุณฺณมีทิวเส ๖ ฉ.ม.,อิ....สณฺเฑ

@๗ สี.,อิ. อปราชิตปลฺลงฺเกน ๘ ฉ. จกฺกวาฬมายตํ, อิ. จกฺกวาฬํ อายตํ ทฺวาทสโยชนวิตฺถารํ อุทฺธํ นวโยชนมุคฺคตํ มารเสนํ, สมุฏฺฐาเปตฺวา ทิยฑฺฒโยชน- สตปฺปมาณํ คิริเมขลํ หตฺถิราชานํ อารุยฺห พาหุสหสฺสํ มาเปตฺวา นานาวุธานิ คเหตฺวา "คณฺหถ, หนถ, ปหรถา"ติ ภณนฺโต อาฬวกสุตฺเต วุตฺตปฺปการา วุฏฺฐิโย มาเปสิ, ตา มหาปุริสํ ปตฺวา ตตฺถ วุตฺตปฺปการา เอว สมฺปชฺชึสุ. ตโต วชิรงฺกุเสน หตฺถึ กุมฺเภ ๑- ปหริตฺวา มหาปุริสสมีปํ เนตฺวา "อุฏฺเฐหิ โภ สิทฺธตฺถ ปลฺลงฺกา"ติ อาห. มหาปุริโส "น อุฏฺฐหามิ มารา"ติ วตฺวา ตํ ธชินึ สมนฺตา วิโลเกนฺโต อิมา คาถาโย อภาสิ "สมนฺตา ธชินินฺ"ติ.