ตตฺถ ธชินินฺติ เสนํ. ยุตฺตนฺติ อุยฺยุตฺตํ. สวาหนนฺติ คิริเมขลนาค- ราชสหิตํ. ปจฺจุคฺคจฺฉามีติ อภิมุโข อุปริ คมิสฺสามิ, โส จ โข เตเชเนว, น กาเยน. ๒- กสฺมา? มา มํ ฐานา อจาวยิ, มํ เอตสฺมา ฐานา อปราชิตปลฺลงฺกา มาโร มา จาเลสีติ วุตฺตํ โหติ. นปฺปสหตีติ สหิตํ น สกฺโกติ, นาภิภวติ วา. ๓- อามํ ปตฺตนฺติ กาจชาตํ มตฺติกาภาชนํ. ๔- อมฺหนาติ ๕- ปาสาเณน. เสสเมตฺถ ปากฏเมว.

[๔๔๗-๘] อิทานิ "เอตนฺเต มารเสนํ ภินฺทิตฺวา ตโต ปรํ วิชิตสงฺคาโม สมฺปตฺตธมฺมราชาภิเสโก ๖- อิทํ กริสฺสามี"ติ ทสฺเสนฺโต อาห "วสี กริตฺวา"ติ. ตตฺถ วสึ กริตฺวา ๗- สงฺกปฺปนฺติ มคฺคภาวนาย สพฺพํ มิจฺฉาสงฺกปฺปํ ปหาย สมฺมาสงฺกปฺปสฺเสว ปวตฺตเนน วสึ กริตฺวา ๗- สงฺกปฺปํ. สติญฺจ สูปฏฺฐิตนฺติ กายาทีสุ จตูสุ ฐาเนสุ อตฺตโน สติญฺจ สุฏฺฐุ อุปฏฺฐิตํ กริตฺวา เอวํ วสีกตสงฺกปฺโป สุปติฏฺฐิตสฺสติ รฏฺฐา รฏฺฐํ วิจริสฺสามิ เทวมนุสฺสเภเท ปุถุสาวเก วินยนฺโต. อถ มยา วินียมานา เต อปฺปมตฺตา ฯเปฯ น โสจเร, ตํ นิพฺพานามตเมวาติ ๘- อธิปฺปาโย.

@ ๔ สี.,อิ. อามํ ปตฺตนฺติ อามํ มตฺติกาภาชนํ, ก. อามปกฺกนฺติ อามมตฺติกา ภาชนํ