@๓ สี.,อิ. ปาตกผุลฺลิต... ๔ ฉ.ม. ภชฺชิยเต

@๕ ฉ.,อิ. มทฺทียนฺตีติ ๖ ฉ.ม.,อิ. กถา สุตฺวา

อิทมโวจ ภควาติ อิทํ สุภาสิตลกฺขณํ ภควา อโวจ. อิทํ วตฺวาน สุคโต, อถาปรํ เอตทโวจ สตฺถาติ อิทํ จ ลกฺขณํ วตฺวา อถ อญฺญมฺปิ เอตํ อโวจ สตฺถา. อิทานิ วตฺตพฺพคาถํ ทสฺเสตฺวา ๑- สพฺพเมตํ สงฺคีติการกา อาหํสุ. ตตฺถ อปรนฺติ คาถาพนฺธวจนํ สนฺธาย วุจฺจติ. ตํ ทุวิธํ โหติ:- ปจฺฉา อาคตปริสํ อสฺสวนสุสฺสวนอาธารณทฬฺหีกรณาทีนิ วา สนฺธาย ตทตฺถทีปกเมว จ, ปุพฺเพ เกนจิ การเณน ปริหาปิตสฺส อตฺถสฺส ทีปเนน อตฺถวิเสสทีปกญฺจ "ปุริสสฺส หิ ชาตสฺส กุฐารี ชายเต มุเข"ติอาทีสุ ๒- วิย. อิธ ปน ตทตฺถทีปกเมว.

[๔๕๓] ตตฺถ สนฺโตติ พุทฺธาทโย. เต หิ สุภาสิตํ "อุตฺตมํ เสฏฺฐนฺ"ติ วณฺณยนฺติ. ทุติยํ ตติยํ จตุตฺถนฺติ อิทํ ปน ปุพฺเพ นิทฺทิฏฺฐกฺกมํ อุปาทาย วุตฺตํ. คาถาปริโยสาเน ปน วงฺคีสตฺเถโร ภควโต สุภาสิเต ปสีทิ.