[๔๘๐] ปโรปราติ ปราปรา ๒- สุนฺทราสุนฺทรา. ปรา วา พาหิรา, อปรา ๓- อชฺฌตฺติกา. สเมจฺจาติ ญาเณน ปฏิวิชฺฌิตฺวา. ธมฺมาติ ขนฺธายตนาทโย ธมฺมา. อุปาทานกฺขเย วิมุตฺโตติ นิพฺพาเน นิพฺพานารมฺมณโต วิมุตฺโต, นิพฺพานารมฺมณวิมุตฺติลาภีติ อตฺโถ.

[๔๘๑] สํโยชนชาติกฺขยนฺตทสฺสีติ ๔- สํโยชนกฺขยนฺตทสฺสี ชาติกฺขยนฺตทสฺสี จ. สํโยชนกฺขยนฺเตน เจตฺถ สอุปาทิเสสา นิพฺพานธาตุ, ชาติกฺขยนฺเตน อนุปาทิเสสา วุตฺตา. ขยนฺโตติ หิ อจฺจนฺตกฺขยสฺส สมุจฺเฉทปฺปหานสฺเสตํ อธิวจนํ. อนุนาสิกโลโป เจตฺถ "วิเวกชํ ปีติสุขนฺ"ติอาทีสุ วิย น กโต. โย ปานุทีติ โย อปนุทิ. ราคปถนฺติ ราคารมฺมณํ, ราคเมว วา. ราโคปิ หิ ทุคฺคตีนํ ปถตฺตา "ราคปโถ"ติ วุจฺจติ กมฺมปโถ วิย. สุทฺโธ นิทฺโทโส วิมโล อกาโจติ ปริสุทฺธกายสมาจาราทิตาย สุทฺโธ. เยหิ โทเสหิ ๕- "ราคโทสา อยํ ปชา, โทสโทสา, โมหโทสา"ติ วุจฺจติ, เตสํ อภาวา นิทฺโทโส. อนุปวิสมลธิคมา ๖- วิมโล, อุปกฺกิเลสาภาวโต อกาโจ. อุปกฺกิลิฏฺโฐ หิ อุปกฺกิเลเสน "สกาโจ"ติ วุจฺจติ. สุทฺโธ วา ยสฺมา นิทฺโทโส, นิทฺโทสตาย วิมโล,

@๔ ฉ.ม. สํโยชนํชาติขมนฺตทสฺสีติ ๕ ฉ.ม. อยํ ปาโฐ น ทิสฺสติ