[๔๙๘-๕๐๒] ราคญฺจ ฯเปฯ เยสุ น มายา ฯเปฯ น ตณฺหาสุ อุปาติปนฺนาติ กามตณฺหาทีสุ นาธิมุตฺตา. ๕- วิตเรยฺยาติ วิตริตฺวา. ตณฺหาติ รูปตณฺหาทิฉพฺพิธา. ภวาภวายาติ สสฺสตาย วา อุจฺเฉทาย วา. อถ วา ภวสฺส อภวาย ภวาภวาย, ปุนพฺภวาภินิพฺพตฺติยาติ วุตฺตํ โหติ. อิธ วา หุรํ วาติ อิทํ ปน "กุหิญฺจิ โลเก"ติ อิมสฺส วิตฺถารวจนํ.

@๔ องฺ. สตฺตก. ๒๓/๗๑/๑๐๓ ๕ สี.,อิ น นิปนฺนา

[๕๐๔] เย วีตราคา ฯเปฯ สมิตาวิโนติ สมิตวนฺโต, กิเลสวูปสมกาวิโนติ ๑- อตฺโถ. สมิตาวิตตฺตา จ วีตราคา อโกปา. อิธ วิปฺปหายาติ อิธโลเก วตฺตมาเน ขนฺเธ วิหาย, ตโต ปรํ เยสํ คมนํ นตฺถีติ วุตฺตํ โหติ. อิโต ปรํ "เย กาเม หิตฺวา อคหา จรนฺติ, สุสํยตตฺตา ตสรํว อุชฺชุนฺ"ติ อิมมฺปิ คาถํ เกจิ วทนฺติ. ๒-